jueves, 26 de abril de 2012

As mans de vento e escuma

Novo falecido nas augas da Costa da Morte.


 Esas mans de vento e escuma volven a arrebatar a un dos nosos. Naquela zona onde deixaron a vida os mariñeiros do Serpent ou do Irish Hull, abriuse o libro da morte para anotar un novo nome.

Nese volume milenario aparece xa o  nome de Ovidio Lema. Nesta ocasión, un veciño da Ponte do Porto, aficionado a pesca deportiva, arrastrado polas mans bravas e líquidas da Costa da Morte. En paz descanse. Despareceu este mércores e foi localizado no mediodía do xoves.

Un novo golpe. Un novo defunto do mar. Unha páxina enloitada na nosa historia que me fai lembrar hoxe, a el e a tódolos que se foron antes.

@xmlema



No hay comentarios:

Publicar un comentario