martes, 22 de mayo de 2012

Costa da Morte 1904

Localizamos unha cita da Costa da  Morte do ano 1904.




Levo meses buceando en vellos xornais e revistas na busca dunha serie de datos que preciso para un libro futuro e foi cando me atopei cunha referencia de  “Costa de la Muerte” nunha primeira páxina de “El Noroeste”, xornal coruñés dirixido por José Lombardero.

Doume a sensación de que esa cita de xaneiro de 1904 era algo valioso. Vaia, que no medio da terra de tinta econtreime cun pequeño tesouro. E así mo confirmou o meu irmán Rafael Lema. No seu libro “Costa da Morte: Un país de sueños y naufragios” conta que a primeira cita está datada no 1908, e polo tanto, no momento que escribo este artigo estamos ante a primeira cita documentada do topónimo que dou o Nome a nosa bisbarra.


Convídovos a ver aquí esa portada




Podedes ler a reportaxe en www.anosacosta.com



O achádego causame ledicia e animame a seguir coa inquendanza e investigación cultural na que levo inmerso uns meses. Este dato non era o que buscaba, pero sempre gusta poder compartir estas cousas. E máis desta relevancia e magnitude. Así que hai tendes este descubrimento. Agra tocar seguir a navegación.

No hay comentarios:

Publicar un comentario