Chámase Eugenio. Karkallón e o
seu nome de guerra. Un persoeiro interesante. Sabe quen me coñece que son
especialmente sensible e sinto case devoción por esas persoas que teñen ilusión
por abrir as portas do coñecemento.
Eses novos románticos, que avanzan
enriba da egua azul dos soños. Xente que con vocación altruista traballa arreo
en determinados campos de batalla. O de Eugenio é un campo complexo, porque está
na raia entre o coñecido e o descoñecido. Nos vieiros da Galicia esotérica.
¿Que fai un asturiano-coruñés con
vencellos xalleiros armado con cámaras de vídeo e fotografías, grabadoras
dixitais e unha paciencia infinda?
Pois camiñar entre a néboa da
normalidade, dos dogmas e das cousas doadas. Alimentar a voraz vida interior
que posúe. Entre sombras e parafonías. Leva anos cun blogue que coñecín gracias
ao amigo Javier Bouzada e que aconsello desde
aquí http://karkallon.blogspot.com.es/
Confeso que non teño os ouvídos
moi ben afinados. É a herdanza de tantos
anos cuns cascos metidos nas orellas e con música a toda mecha. Comprendo que
cadaquén pode ser máis ou menos escéptico. Pero o traballo de Karkallón está aí e ten ,para mín, un valor inmenso.
E quero aplaudi-lo.
Grazas Karkallón
P.D.) Podedes ler a entrevista que lle fixen a Eugenio en
No hay comentarios:
Publicar un comentario